Advertisement Google

Bini Karut

Reporter: Rohidi Effendi |

Editor: Daspan Haryadi |

Minggu , 05 May 2024 - 19:39

Pak Beluk--

bini karut                            udim mandi petang kemaghi, sambil nunggu malam, pak beluk ngan bininye ndung yung duduk di berende rumah.
sambil nginak jeme lalu lipus lalu depan ghumahnye, due laki bini ni becerite keluh kesah memasing.
singkat cerite, ndung yung ndulu betanye dengan pak beluk.
"anu bapang yung, ngapelah eh semenjak kite nikah dan punye anak. perasean aku dide pernah agi kamu ngajak aku jejalan," ndung yung mulai bertanye serius.
"nah, itulah kamu tu salah nian. kamu masih teringat dide kite nikah dulu karne tape," pak beluk betanye balik.
"pertanyaan bigal titu, yak lah cengki karne jodoh," ndung yung agak ngangat.
"nah, itulah amun kamu ndak keruan," kate pak beluk agi.
"keruan tape die," timbal mak beluk bingung.
"itu bukti pepatah benagh, kalu jodoh dide kan kemane-mane," pak beluk njelaska.
"maksudnye?," ndung yung tambah bingung.
"amun lah berjodoh, dide perlu ke mane-mane agi. jadi jadilah mendam di ghumah nanak nggulai dan ngasuh anak," pak beluk njelaskah panjang libagh.
"udehlah kaba bapang yung, amun dide beduit kicikkan saje. jangan banyak ige cerite," ndung yung rengam ndengar penjelasan lakinye.
"kamu tu lah keruan laki sare masih banyak ige kekendakan," timbal pak beluk agi.
"wajar saje sesekali nyenangka bini. bukan die model ye luk kamu ni ye kah pacak nyenangkan bini," kate ndung yung.
"nah ye luk ape saje namenye ndung yung," pak beluk pule ye bingung.
"ye luk artis tu, kinak maju jejalan die ngan bininye," timbal ndung yung.
"amun artis, dide ke ngade dapat bini karut aseku," kate pak beluk.
"awu nian pule awah," ndung yung sambil ngangguk-ngangguk.
"hahahaha, lemak nian amun dapat bini bigal ni" pak beluk tetawe dalam ati.

Tag

Share

Koran Terkait

Kembali ke koran edisi Radar Kaur, Senin 6 Mei 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan