Advertisement Google

Ndak Kaye Gampang

Reporter: Rohidi Effendi |

Editor: Dedi Julizar |

Minggu , 14 Apr 2024 - 21:37

Pak Beluk--

ndak kaye gampang                             belum lame ni pas di sekul, guru ngejuk pertanyaan dengan muridnye.
siape ye cepat jawab pertanyaan tu, langsung boleh ndulu balik.
singkat cerite, guru langsung ngenjuk pertanyaan ngan muridnye.
"anak-anak, pas lah besak kele kamu ndak jadi tape," tanye guru.
"saya buk," jawab murid serentak. cuman yung pantit sughang ye dide nujuk tangan.
"cube kamu ayu," kate guru.
"aku ndak jadi dokter, punya rumah sakit sendiri, punya rumah sendiri, mobil mewah, kapal pesiar, dan aku ndak bahagiakan laki ngan jeme tue aku," jawab ayu.
"bagus ayu, kamu boleh pulang duluan," kate guru.
karne nginak yung pantit sughang ye dide nunjuk tangan, guru langsung betanye ngan yung pantit.
"cube kaba yung, ndak jadi tape kaba amun lah besak kele," tanye guru.
"aku ndak nikah ngan ayu buk," timbal yung pede nian.
"nah, tape parapan kaba ndak nikah ngan ayu," tanye guru bingung.
"yak, amun ndak kaye gampang nyelah itu. ayu tu calon bini ye paling tepat," kate yung luk adak.
"pede nian kaba yung, awu amun jeme ndak ngan kaba. udim tu itu bukan cita-cita. kaba jangan kudai balik," kate guru rengam.
"nah tape salah aku buk," yung ye bingung.
"itulah amun jeme betanye tu jawab iluk-iluk. udim tu, kicikka ngan bapang kamu tu, nunjuki anak tu ye benagh," kate guru. (roh)

Tag

Share

Koran Terkait

Kembali ke koran edisi Radar Kaur, Senin 15 April 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan