Ngail

ngail ceritenye pak beluk dengan merin lah bejanji endak berangkat ngail. sangking semangatnye, pak beluk sampai beli katrol baru dengan peralatan kail, mulai mata kacil talinye dan lainnye. modal tian habis sekitar 500 ribuan.  pak beluk ngicik dengan bibainye, katrol yang dibeli tadi tu minjam untuk merin. bibai pak beluk ini memang de keriangan kalu pak beluk ngail. karena selalu malamkan hari berulih adak.  "radulah kudai maju ngail terus ini pak beluk. balik selalu kemalaman, berulih adak, kawani kudai aku masuk undangan kelak," bibainye bemumut. "akulah bejanji dengan merin ngail jam 8 ini, pegilah kudai surang, kail lah di pinjamkannye," kate pak beluk  karena de keriangan pak beluk ini ngail. akhirnye bibainye ini tadi nelpon merin. "hallo merin, kate pak beluk tadi ngail urung kudai. karena nye endak ngawani aku masuk musikan," buhung bibai pak beluk. "ooh radu kidahnye kalu urung," kate merin. singkat cerite, bibai pak beluk berangkat surang ke musikan. pak beluk lah siap dan nunggu merin jemput, soalnye pak beluk ini de ade hp dengan motor dipakai bibainye. sampai jam 11 merin ini de ade jenguk, lah jam 1-an siang bibainye balik undangan. "ngape lum pegi?" tanye bibainye "merin ini de ade jenguk, entah urung bani ngail ini," jawab pak beluk. singkat ceritenye, pegilah pak beluk pakai motor bibainye tadi ke rumah merin. sampai situ, merin agi duduk di garang. sambil kehatiannye dengan merin "luk mane kaba ini, akulah tetunggu. kalu dide jadi ngail, ngabari akulah urung masuk musikan dengan bibaiku, lah beli katrol," kate pak beluk bejijih. "nuuuuu, kate bibai kaba tadi urung mancing. mangkenye aku dide ke rumah kamu, kaba dengan die endak masuk undangan," timbal merin "astaghfirullah, de nihan makan hakal bani bibai bigal ini," kutuk pak beluk. "ai radulah, endai jauh saje. kalulah lah dikendalikan bibai itu, namenye kalau dengan bibai batu," balasnye. *

Tag

Share

• 
• 
• 
• 
•