Advertisement Google

Ngurangi Balak

Reporter: Ujang Tamarozi |

Editor: Dedi Julizar |

Minggu , 07 Jun 2026 - 18:21

Pak Beluk--

ngurangi balak                             ndung yung alias bini pak beluk belajar bisnis jualan makanan.
ndung yung ade kance pacak masak, tapi die belum bemodal.
"bapang yung, ade lukak modal nide," kate ndung yung.
"yak untuk ape pule, nak modal itu," kate pak beluk.
"aku nak bisnis jual makanan, ade kance aku nak ngajari aku," kate bininye.
"kance aku itu lah lancar jualan, tapi die nak pindah. untuk melanjutkan usahenye aku diajungkah die, kele diajari kudai," tambah ndung yung.
"berape pule modal itu," kate pak beluk.
"untuk belajarni jadilah rp 300 ribu," kate die.
"ape pule name masakan kamu itu," tanye pak beluk.
"itu makanan dimsam," kate mak beluk.
"o...dimsam, "sambil nganguk pak beluk.
"ape pule titu," dalam ati pak beluk.
"jadi kele, untuk konsumen anak-anak remaja, anak sekolah," kate ndung yung bejijih.
"kance aku itu, seaghi lah rp 300 ribu untung nye," jelas mak beluk.
"udim untuk modal, kele aku usahakan," jawab pak beluk.
singkat cerite, belajar ndung yung dengan ngundang kancenye.
"nah kecaplah kudai dimsam ni," kate ndung yung dengan pak beluk.
"enduk makanan jeme kotah ini, endik masuk aman lidah dusun ni," dalam ati pak beluk.
"luk mane, lemak nide," kate mak beluk.
"yak lemak ini, mantap nian ndung yung. jangan dide jadi, lajulah nian," jawab pak beluk cepat.
ndung yung bangga nian nganing kicik lakinye, anye dalalm ati pak beluk “ngurangi balak muji ni tadi. tapi dide ngape, paling rugi kalau dide laku. lebih baik nurut ketimbang bebalah”.

Tag

Share

Koran Terkait

Kembali ke koran edisi Radar Kaur, Senin, 8 Juni 2026

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan