Advertisement Google

Buntut Belange

Reporter: Rohidi Effendi |

Editor: Dedi Julizar |

Senin , 11 Mar 2024 - 19:08

Pak Beluk--

buntut belange                            petang kemaghi, sambil bemuke marah pak beluk dambung-dambung ndatangi rumah kancenye merin.
sampai di rumah merin, pak beluk langsung tegauk-gauk manggil kancenye tu.
"hui merin, di mane kaba," kate pak beluk tegauk-gauk.
"adak ndak ngape bapang yung, tegauk-gauk pepetangan ni," timbal merin.
baca juga:hasil pleno kpu! ini nama 45 caleg terpilih dprd provinsi bengkulu periode 2024-2029, golkar ketua
"balak nian ini ce. aku ndak saghak (cerai, red) nian ngan jeme rumah. lah dide nian tahan agi aku," kate pak beluk becerite.
"nah, nah, ngengape ini bapang yung. jejage kudai kicikan kaba ni," merin tekejut ndengar kicikan kancenye.
"dide nian tahan agi aku ce, ndak saghak nian aku ngan ndung yung tu," pak beluk maju ngicik.
"awulah, tape pule pasalnye sangkan kaba maju ndak saghak ni," tanye merin bingung.
"masih pekare lame tula. kami bedue tu beda keyakinan," pak beluk mulai njelaskan.
baca juga:kpu bantah suara ganjar-mahfud dipatok 17 persen, ini penjelasannya
"beda keyakinan luk ape bai. ukannye kamu bedue tu sesame agama islam," merin tambah bingung.
"awu memang seagama," timbal pak beluk agi.
"mangke tape die ndak saghak kapuh amun masih same keyakinan agama," kate merin.
"ukan soal agama. selame ini aku yakin bahwe aku ni ganteng. anye ndung yung dide ndak nerime keyakinan aku tu. ndung yung malah maju ngicikka aku karut. tape maksud," kate pak beluk panjang libagh.
"nah amun itu, aku same dan ndukung pendirian ndung yung tu kance," jawab merin.
baca juga:siswi smp di lampung korban pemerkos44n 10 remaja dan disekap selama 3 hari, begini kronologisnya
"tape maksud kaba merin," pak beluk tambah ngangat.
"ui sadar diri mati bujang. jangan pede nian jadi jeme tu. amun karut masih ke karut tula kaba tu. odim kudai luk alap nian kaba," jijih merin rengam.
"mase ce," pak beluk mulai ngalun.
"adak awu bai. itulah sangkan ndak rajin bekace. mangke kinakan dayi luk buntut belange mutung tu," uji merin sambil tetawe.

Tag

Share

Koran Terkait

Kembali ke koran edisi Radar Kaur, Selasa12 Maret 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan