Dide Keruan

dide keruan lum lame ni waktu pelajaran matematika di sekul, guru ngejuk pertanyaan pertambahan dengan muridnye. yung pantit anak semata wayang pak beluk sughang ye dide pacak njawab pertanyaan guru. "cube anak-anak berape kekire 7+7, tuliskan di buku," kate guru ngejuk pertanyaan. ndik lame udim itu, guru langsung merikse hasil ye dikerjekah para murid. anye, dari segale murid di kelas tu, hanye yung sughang ye dide tau jawabannye. "mane jawaban kaba yung, ngape masih kosong nila. kaba buat di rumah saje awu," kate guru. "awu buk," timbal yung. singkat cerite, pas lah di rumah yung langsung betanye ngan ndungnye. "mak, berape 7+7," tanye yung. "geriti ai, lah mutung tempe aku tadi," kate ndung yung ye kebetulan sedang ngguring tempe. "ui itu jawaban die," pikir yung pantit. karne masih penasaran, yung betanye pule dengan bapangnye. "bak, berape 7+7 ni," tanye yung ngan bapangnye. "ai geriti ai, lah tetumpah pule kupi ni," jawab pak beluk ye kebetulan kopinye tetumpah pule. dalam hati yung pantit, nyelah dide kah salah agi jawabnye ai geriti," pikir yung dalam hati. pas disekul paginye, guru langsung betanye dengan yung jawaban pertanyaan kemaghi. "berape hasilnye 7+7 kemaghi yung, lah keruan lum," tanye guru. "ai geriti," jawab yung luk adak. "yak tape jijihan kaba yung, ude betegaklah di depan tu kaba," guru rengam. "sape nunjuki kaba ngicik ndik benagh ni yung," guru betanye karne penasaran. "ndung ngan bapang aku buk," jawab yung. "lah dide sihat pule base jeme tue kaba tu yung," kate guru.  “yak aku dide keruan nian buk tape reti titu, kalau pacak tolong retikan nian,” kate yung bingung.

Tag

Share

• 
• 
• 
• 
•