Bene Sughang

bene sughang lum lame ni pak beluk betanye serius dengan anak sematawayangnye yung pantit. "yung, cube jawab jujur, siape ye paling kaba suke, bapang atau ndung kaba," tanye pak beluk. "due-duenye," timbal yung singkat. "ui serius jeme tu yung, bapang atau ndung kaba," pak beluk lum puas ngan jawaban yung. "awu, due-duenye," jawab yung agi. "pilih sikuk saje yung, suke ngan bapang atau suke ngan ndung kaba," pak beluk masih lum kilah puas. "yak lah nyelah jawaban aku tu, due-duenye sayang gale," jawab yung agi. "cube aku ganti pertanyaan, amun bapang pegi ke medan, dan ndung kaba pegi ke bali, ngikut sape kaba," tanye pak beluk agi. "ya bali dong," jawab yung jujur. "nah, bearti kaba lebih sayang ngan ndung dari pada ngan bapang," kate pak beluk. "bukan luk itu bak, tapi aku kan memang belum pernah ke bali," yung njelaska. "nah, amun bapak ke bali dan ndung kaba ke medan, kaba milih mane," pak beluk masih penasaran. "medan dong," timbal yung singkat. "nah, ngape agi yung, berarti memang lebih sayang ngan ndung daripada ngan bapang kaba," pak beluk nyerah. "ukan luk itu bak, tadi kak aku lah pegi ke bali dengan ndung, jadi aku milih ke medan karne lum pernah ke situ," yung njelaska panjang libagh. "ai bene sughang jadinye aku, ntah kendak kabalah yung," jijih pak beluk purik. 

Tag

Share

• 
• 
• 
• 
•