Dewan Ulu Tulung

dewan ulu tulung pak beluk dengan merin beghusik ke badah kance lame. merin dengan pak beluk ade kance dewan ulu tulung namenye. “merin, jadi kite pagi beghusik ke badah kance lame kite?” tanye pak beluk. “yak jadi, kalu lah musim deghian kini,” jawab merin. “anye kite temalam kele, maksud aku pamit iluk-iluk dengan ibung,” kate merin. “aman itu, kele aku pamit,” jawab pak beluk singkat cerite, pegilah bedue ni pakai motor ke badah kance lame dewan ulu tulung. pejalanan yang jauh, akhirnye sampai badah kance lama merin dengan pak beluk. “yak ape gerangan kamu bedua beghusik ke badah aku ini?” tanye dewan ulu tulung. “nide kehinduan saje, nginak kabah cuma di media sosial saje,” jawab pak beluk. “yak ape die media sosial kabah itu, dewan ulu tulung ape?” sambung merin. langsung betige tetewa tecakai. “kami nak temalam, lah umban belum deghian kite?” tanye merin. “yak belum, masih umban buang busuk,” jawab dewan ulu tulung. “yak nidekan dapat makan deghian awak lah jauh, luk mane pule merin dapat info lah musim deghian ini,” dalam ati pak beluk sambil naik dangau.  “luk mane harge tanah di sini, murah juge?” tanye merin. “yak tanah kebun lah mahal juge kini hargenye,” jawab dewan ulu tulung. “aku ndak belajagh bekebun, kele kalu ade yang ndak bejual lahan kebun kabari aku,” kate merin. “yak lah kene tipu aku jak merin, dalak lahan kebun, bukan dalak deghian dengan ghindu ndak beghusik saje. tenyate ade udang di balik bakwan,” dalam ati pak beluk. 

Tag

Share

• 
• 
• 
• 
•