Advertisement Google

Mancing Emosi

Reporter: Rohidi Effendi |

Editor: Daspan Haryadi |

Selasa , 14 Oct 2025 - 19:06

Pak Beluk--

mancing emosi                            akap kemaghi pak beluk dengan wajah penuh semangat ndatangi kawan lamenye, merin, sambil mbatak ember dan joran.
"ce, aku keruan badah mancing paling mantap! kemaghi aku mancing di situ, saking ikan di situ ngantri ndak masuk ember," kate pak beluk samangat nian.
merin yang kebetulan hobi mancing langsung semangat.
"seriuslah bapang yung? melah kite berangkat mbak inilah amun luk itu," merin ye langsung semangat pule.
singkat cerite, due sekawan ni langsung berangkat naik motor butut milik pak beluk. sepanjang jalan, merin terus betanye di mane arah badah mancing tu.
"ui ce, ke kiri ape ke kanan," tanye merin.
"awu, terus belok ke kiri, aku ni afal jalannye, lajulah,” jawab pak beluk sambil garuk palak.
anye dalam hati, pak beluk mulai panik.
masalahnye cuma satu, kenan ni lah pula lupe lokasi mancing tu di mane.
lah satu jam muter-muter, die bedue ni melalui sawah, kebun, bahkan kandang kambing. merin mulai curiga, “ui bapang yung… ngape kute ndik nyampai-nyampai ni? uji kate kaba pasigh sinilah!”
“ini memang jalan rahasia ce. cuma pemancing sejati yang tau jalan ni," timbal pak beluk ye masih sok tenang.
padahal, dalam ati pak beluk, kenan lah tiga kali nginak warung yang same.
singkat cerite agi die bedue ni berhenti di pinggir aik kecil yang aiknye cuma sepinggang ayam.
“nah, inilah badah kateku tu!” kate pak beluk.
“hui bapang yung… ini parit sawah, bukan badah mancing. ngajak sebigalan kaba ni," merin lah emosi.
"amun kemaghi dalam ayiak di sini. tapi amun aku peratikan, ukan nian di sini badah aku kemaghi," pak beluk masih nggub ngakuk.
karne lah rengam, merin langsung nyipatkah selup ke dayi pak beluk.
"buyan kerje kaba ni, aku lah asekah pacul buntut gawiah bekeliling idar jagat ni. amun ndik keruan agi ngicik die jeme," merin bejijih.
"anu ce, empuk kite ndik dapat ikan saghi ni, setidaknye kite dapat pengalaman baru. mancing emosi," kate pak beluk sambil nyengir-nyengir.

Tag

Share

Koran Terkait

Kembali ke koran edisi Radar Kaur, Rabu, 15 Oktober 2025

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan