Advertisement Google

Makan Tulang

Reporter: Bahman Hadi |

Editor: Dedi Julizar |

Selasa , 13 Feb 2024 - 20:03

Pak Beluk--

makan tulang                            belum lame ini pak beluk sekeluarge bayar niat sembelih kambing. bayar niat dapat rezeki, kebun kawe banyak hasilnye, tambah hargenye bengkak nian.
singkat cerite, pak beluk datang ke ghumah kantin akrabnya, merin. waktu datang ke guhmah merin, pak beluk pakai kaca mata hitam, celane levis kembang bagian bawahtu, peci udim gayanye.
baca juga:untuk sukseskan pemilu, ini peran yang bisa dilakukan masyarakat
“merin, kedatangan akuni kah ngabarai kabah. aku kah bayar niat,” kate pak beluk.
“niat ape pule mu ndak sampaikah, nampaknye penting nian ce,’timbal merin.
“aku ni lagi dapat rezeki nomplok,” jawan pak beluk agi.
“seriuslah pak beluk, mangke pacak diurusi niat mu itu,” timbal merin agi.
“aku ni dapat hasil panen kawe banyak nihan” uji pak beluk sambil besiul.
“ngape mu diam saje kabah, dide ade kabah cerite ade kebun kawe,” jawab merin sambil ngusuak kening.
“biaselah, kalu urusan tanci masuk aku ni banyak diam saje,” uji pak beluk agi.
“jadi niat lukmane pacak aku bantu selesaikah itu,” timbal merin tegasnye.
“niat ni, sembeli kambing sutik saje,” uji pak beluk.
“kebile rencanenye,” timbale pak merin.
“kalu lah bulat tekat, jangan diurungkan lagi” tambah merin.
“tapi sembeli kambing dengan doa ni di kebun mangke cete,” uji pak beluk.
“dimane saje, tapi sampaikan dengan adik sanak waktu acaranye,” uji merin.
udim ngobrol, pak beluk langsung nepecit balik, beije dengan ndung yung pantit. lah sepakat betige beranaktu dan kambing juge lah siap.
mulailah jamu bayar niat, gulai kambing lah masak pule dengan ndung yung pantit dengan kekancenye.
sebelum doa, merin pidato depan adik sanak. kate merin “adik sanak sekalian, kite diundang pak belukni ngajak makan gulai kambing. dieni bayar niat dapat buah kopi lebat. ceki harge kopi besak, tancinye banyak pule. nah bapak ibu adik sanak sekalian, setiap bayar niat mangke yang punya niat atau hajatannye dikabulkah.
mangke ye punye niat dilarang makan gulai kambing. yang makan gulai kambing kite tamu nilah. jadi intinye pak beluk sekeluarga anye makan kambing bagian tulang kaki kambing. udimtu kuburkan dibawah tanaman kopi. supaye buahnye tambah lebat. 
singkat cerote udim tetamu balik, tige beghanak ni makan, sare katah jeme tige tu. sebab ye dimakan tulang tu dikecup tige beranak. 
nitikan aiak mate pak beluk dengan yung pantit nginak gulai kambing sebelange besaklah lah leci gale. 
“sabar saje pak beluk, masih ade kulitnye pacak dibauat belulang,”kata ndung yung pantit.
“amen lain kali bayar niat de pule ndak ngajak adik sanak pacak, banyak ige aturannye. sare kite ye punye niat, mase tinggal tulangnye saje,” protes yung pantit. 
“udimlah nak, inilah kerje bapang kabah buyan, kite tige beghanak nil ah kerjei mamang kabah merin,” jawab pak beluk sambil ngusuk peghut.

Tag

Share

Koran Terkait

Kembali ke koran edisi Radar Kaur, Rabu 14 Februari 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan