Akal Betanci

akal betanci belum lame ini pak beluk ndalak pinjaman tanci, anye saje pas udim dipinjam de dibalikan alias dapat untung besak. anye modal ngiciak saje pacak dapat tanci banyak. singkat ceritenye iluak ini. "ape lukak merin boleh singgah jerang," uji pak beluk. "langsung sajelah de pule pakai gaya nihan," jawabnye merin melalui wa-nye. "ok aku ndak singgah nihan amen iluak itu, ceki kupi angat ade gale," timbal pak beluk. berangkat pak beluk langsung saje ke rumah merin, kupi gelas besak dengan rokok besak mbak telapak gudang garam surya 16 lah ade pule. dalam ati pak beluk aman ini kele, pacak lame ngota iluak mane mangke betanci. "banyak batan bahan ni, anye sutiak saje kite bahas," uji pak beluk. "bahan ape pule pak beluk, kicikan saje jangan ragu," jawab merin. "ade nihan merin penting ini, urusannye iluak mane mangke betanci," jawab pak beluk. "amen iluak itu, aku juge ndak betanci, bukanmu saje," timbal merin agi. "amen lah betanci ceki aku bagimu," ucap pak beluk agi. "jadi iluak mane pule kendak mu, bingung aku jawabnye," timbal merin. "iluak mane mangke dapat tanci banyak tapi modal ngiciak saje," jawab pak beluk agi. "gampang amen itu pak beluk. anye amen lah dapat tanci kite bagi due, mangke carenye aku njukan," timbal merin. "ok kalu iluk itu aman saje jangan ndak pusing," kate pak beluk. "carenye pinjam tanci dengan jeme banyakni. dalak yang kenal, nye betanci. pas udim pinjam dengan janji manis. kicikan saje, lambat nagih hutang habis sape nagih de selamat. itu saje," saran merin. "jadi nihan itu merin pacak dicube pakai akal akalan mangke dapat tanci. pecaye dengan kate iluk itu merin," uji pak beluk. "namenye usaha pak beluk, jangan bae cube mati, de kebalik agi ke dunie angatni," tegas merin sambil ngilau. 

Tag

Share

• 
• 
• 
• 
•