Keghas Palak

Belum lame ini Pak Beluk dengan kancenye Merin kerje bedue. Biaselah amen lagi bedue banyak kendak dan same same tengkar gale. Akibat tengkar senjate mangkan tuan, laju ngening gale beduetu. Persis kate jeme tu model Tom adn Jerry. Kalau lah lame dide betuggal saling dalaki, tapi kalau lah betunggak ribut manjangan.

"Ade lukak kite Merin, aku dapat borongan besak," uji Pak Beluk.

"Kerje ape pule , besak nian ape," jawab Merin.

"Amen ndak kerje ikut aku, mangke besak juge rezeki.  Masalahnye jeme banyak dide galak  ngerjekahnye," jawab  Pak Beluk.

"Jadi kalau model itu, ape pule kerjenye ce," kate Merin.

"De begaht Merin cuma benaghi pipa air masuk sepiteng WC. Kate jeme punye rumahtu, pembuangan air masuk pule ke sepiteng," timbal Pak Beluk agi.

"Au, berarti cuma mindahkah pipa pembuangan aik, sangke ku pindahkah pipa nye itu, pipa kotoran," jawab Merin.

Mulailah begasak kerje, de keruan siape bos siape anak buah singkenye same same ngatur. Same same besak palak. Pas saje giliran ndak potong pipa pembuangan aik, akibat dide ndak kalah, Pak Beluk langsung saje potong pipa.

Merin tinggal diam dampingi Pak Beluk tetak  pipa, pas saje dipotong salah nian. Tetetak pipa WC, singkatnye nguning gale Pak Beluk dengan Merin.

Amen jeme punya rumah de ndak pusig langsung saje melumpat.

"Nah, salah kite potong pipani, pipa WC ce," uji Pak Beluk.

"Lah kukicikah tadi, anye kabah keghas palak," jawab Merin.

"De ngape salah Merin nyepenting tanci jangan nguning. Amen soal menguning de masalah," uji Pak Beluk agi.

"Itulah jiku amen kerje dengari kudai jeme, jangan asak galak, lah nguning gale kite mentang mentang gigi kuning," timbal Merin purik. *