Jadi Superhero

KEMAGHI Yung Pantit anak semata wayang Pak Beluk dibataki pegi besunat (khitan) ke dokter di kota.

Anye sepanjang jalan pegi ke dokter tu Yung maju merase takut. Bahkan, sampai di badaH praktek dokter tu Yung tambah takut saje.

Nginak dokter ye lah mulai nyiapkah jarum suntik dan gunting tu, Yung langsung betanye ngan dokter.

"Dok, ndik kah ngape besunat ni. Amun udim besunat kele luk ape" tanye Yung ye tambah cemas nginak gunting besirak.

"Dide kah ngape nak, kamu akan lebih sehat dan gagah amun udim sunat kele," timbal dokter.

"Jangan di gunting awu dok, kele dide pacak kemiah (buah air kecil, red) agi aku kele," kate Yung ye tambah takut.

"Dide, malah kele tanbah lancar saje amun udim sunat," kate dokter sambil nahan tawe.

"Nah amun luk pacak jadi superhero aku ni kele dok," tanye Yung agi.

"Aseku dide kah sampai amun jadi superhero nian. Anye pasti kaba kele tambah belagak saje," jawab dokter agi.

"Ai mbuhung dokter ni, kah ngengape udim besunat tambah belagak. Ukan operasi dayi," timbal Yung luk adak, karne dide terase agi udim di suntik bius.

"Nah, kaba keruan sughang kele amun lah besak. Amun udim besunat ni lebih njak jadi superhero sebetulnye," kate dokter sambil tetawe.

"Ui ude teruskelah amun luk itu dok," Yung tambah pede dan bernai nian. *