Semegi Saje
Pak Beluk--
Yung Patit empai udim bagi rapor di sekol.
Empuk nilai ade yang rendah, Yung Patit tetap naik kelas.
"Yung masuk sekolah kele, kabah lah kelas dua," kate Endung Yung.
"Au, Mak tau aku," jawab Yung.
"Tapi pesan guru tadi, kabah ni masih lemah di pelajaran matematika," kate Endug Yung.
"Jadi kurangi kudai main HP itu, belajar kalu kabah galak jadi jeme sukses," kate Endung Yung.
"Au, malam kele ajari aku," jawab Yung.
Udim makan malam, Yung lah dipangil Endung nye.
"Mane buku matematika, malah kite bajar," kate Endug Yung.
"Nah sepuluh kurang dua behape," tanye Endung Yung.
Diam Yung, karne Yung Endik tau.
"Lukape bahape tau nide," tanye Endung Yung agi.
Nah kite umpamekan, kabah ada mangga sepuluh butik, terus Nining kabah mintak dua butik behape agi," kate Endung Yung.
"Yak aman nining mintak enjukan," kate Yung.
- Tag
- Share
-
-
