Salah Ngota

BELUM lame ini Pak Beluk ngota dengan kancenye Merin. Die ngicik masangkah kancing baju secupak tiap aghi di badanye kerje kini. Pak Beluk ngota atau kicikan besaktu, gegara Merin ngota banyak dapat buah kawe alias buah kopi. Singkat ceritenye.

"Ape kabar Merin pacak aku datang kudai ke ghumahmu, biase ndak sesame tukar pikiran," uji Pak Beluk.

"Bulih kate Merin main saje ke rumah," timbal Merin sambil balas dengan HP alap pulian hasil panen.

"Ceki udim panen kaba ini Merin, suare HP kabah lah lantang benagh. Semegi suare HP aku," kate Pak Beluk.

"Au die, kan udim panen buah kawe. Mase dide teganti HP alap model baru," timbal Merin agi.

Belum lame Pak Beluk lah betandang ke ghumah Merin.

"Selamat Merin dapat buah kawe banyak, mane batan aku" uji Pak Beluk.

"Amen batan mu nanti Pak Beluk, panen ye nanti ni, kalu kini masih banyak gunenye tancini," timbal Merin agi.

"Ai cacam Merin kekire batan rokok ade," uji Pak Belul agi.

"Aman itu, lah disiapkah nian," jawab Merin.

"Banyak dapat tanci hasil panen kawe," kate Pak Beluk.

"Dide pule banyak, tapi adelah cak tige truk buah kawe siap jual," timbal Merin.

"Ai cacam banyak setitu," ucap Pak Beluk.

"Ape gawe kabah kini Pak Beluk," uji Merin.