Minyak Gadis

minyak gadis belum lame ini, pak beluk beusik ke ghumah merin. ngusuri minyak gadis yang ditawarkan merin dulu. "ce mane minyak gadis kate kaba dulu, bulih minta dikit," kate pak beluk  "ade, untuk ape kaba?" tanye merin penasaran. "untuk gadis pule, mase untuk jande," gurau pak beluk. "awu maksudnye, betinenye itu endak kaba jadikan bibai ape sekedar santingan?" tanye merin. "untuk bibai ce, pokoknya aku tu lah ribang nian dengan gadis itu," ceritekan pak beluk singkat. singkat cerite, merin lah ngenjukan botol minyak ke pak beluk. sambil jelaskan care gunakan. "ini minyaknye, carenye kaba oleskan ke telapak tangan dengan alis. jangan lupe bace due bismillah 10 kali sekali napas. ajungkan betine itu sampai kecium embau minyaknye," kate merin. "jadi kidahnye, aku ujikan kudai. kekalu melangkit kele," kate pak beluk. singkat cerite, pak beluk ini ngerayau ke ghumah betine yang dimaksudnye itu. minyak yang dienjuk merin ayin saje diuliskan ke alis dengan telapak tangan. tapi ke baju dengan gumbaknye. waktu teoleh embau minyak tu, mirip dengan embau minyak goreng. "ngape minyak ini, mirip dengan minyak goreng. ape model minyaknye nian ini," dalam hati pak beluk. singkat cerita akhirnya lah ketemu, waktu betemu betine ini langsung nyeletuk dengan pak beluk. "masak ape di ghumah tadi kang?" tanye gadis tu. "maksudnye dek, dide ade kakang masak tape-tape," jawab pak beluk. "ooh, kalu soalnye embau minyak goreng kakang ini," jawab gadis itu. ayinnye tambah pd, pak beluk justru maluan. disini langsung wa merin pak beluk. "ce ngape gadis ini, ngicik embau minyak goreng. minyak ape kie sebenarnye ini," pesan pak beluk. "memang minyak goreng merknya gadis. kate kaba tadi minyak gadis ayin minyak pelet untuk gadis," jawab merin.

Tag

Share

• 
• 
• 
• 
•