Belajar Bemobil

Pak Beluk lum lame ni mintak lajari makai mobil, puk kenan lum beli mobil anye kenan lah siap ancang-ancang. 

"Melah Merin katenye ndak ngajari aku makai mobil," kicik Beluk.

"Melah mang anye dengan syarat isi minyak au, karne amen mobil tu ndik beminyak, ndik pule pacak jalan," jawab Merin.

"Yak keneman pule, laju kalu tiap aghi mintak ajari tiap aghi pule ingisi minyak tini," kicik Pak Beluk agi.

"Awu Mang jadi sistem kite luk itu," jawab Merin.

Singkat cerite berhubung Pak Beluk kegalaan nian belajar bemobil lajunye dalam due hari Pak Beluk ngisi minyak.

Jadi Pak Beluk lah mulai nangkap gunekah mobil puk masih gagup. 

Singkat cerite agi berhubung Pak Beluk lah agak nangkap mulai kenan cacak belagak.

"Jadi luk ini bayangannye kalu aku ade mobil, keren nian pule," kicik Pak Beluk.

Berhubung Pak Beluk lah agak pacak makai mobil jadi ngadulah dengan bibainye.

"Ndung Yung kalu kite beli mobil luk mane Adak," kicik Pak Beluk dengan nada rendah.

"Sehat Bapang Yung cube tatapi kening tu, kalu masih angat berarti normal," jawab Ndung Yung.

"Sebaliknye kalu ndik sehat, kite bawe rumah sakit, kite periksa kuday," sambung Ndung Yung. *