Tua Keladi

Belum lame ini Pak Beluk lagi pusing palak. Ngape jeme zaman kini banyak putih iluk umbut. Ngape zaman ndung dulu de ade putih iluk umbut pisang.

Singkat ceritenya.

"Ape kabar sanak, ade lukak guring pisang dengan lepat binti," uji Pak Beluk menyapa ngah Merin.

"Aman saje Pak Beluk di rumahni banyak gale, jangan bae tanyean nyelene," jawab Merin.

"Ngape mu lagi riang nihan nampaknye bukan dapat tanci banyak," timbal Pak Beluk.

"Bukan mu yang lagi riang, pakaian peci udim nicis nihan," kate Merin.

"Biaselah mpuk de betanci kini, anye mate riang saje," uji Pak Beluk agi.

"Ape urusan di matamu Pak Beluk, jangan banyak behayal kalu sege urusannye," saran Merin.

"De bahayal Merin, kini ngape banyak nihan gadis dengan ndung jemeni putih iluk umbut," timbal Pak Beluk.

"Ai cacam Pak Beluk madaklah palak enam masih banyak ijean. Tinggalkah kudai dunie galak nginak jeme iluk umbut," pinta Merin.

"Nampaknye sege Merin, ngape zaman ndung dulu de ade yang putih iluk umbut, " jawab Pak Beluk.

"Wow Pak Beluk, kini zaman lah modern, banyak bedak pemutih, nye itam pacak putih gale," uji Merin.

"Yak pacak kekire Ndung Yung putih pule amen iluak itu," uji Pak Beluk.

"Pacak gale jangan ndak pusing, datangi bada jual bedaktu, ku kinak mu iluk anjing gile amen nginak putih iluk umbut lagi lewatni," uji Merin.