Maling Ayam

maling ayam lah seminggu ini yung pantit anak semata wayang pak beluk maju mendam saje di rumah dan maju diam tulah dide renjih luk biasenye. karne penasaran dan curiga ngan gelagat anak satu-satunye ni, pak beluk laju betanyelah dengan yung. "ngape kaba maju mendam saje ni yung. udim tu cak ngicik gi dide agi," tanye pak beluk sambil duduk samping yung. "anu bak, aku tu takut kamu marah," timbal yung ye ampir nangis. "ngape pule aku marah, amun kaba ndik salah," jawab pak beluk sambil mbujuk anaknye tu supaye jujur saje. "aku tu salah nian bak," kate yung agi. "salah tape pule," pak beluk tambah bingung. "malam kemaghi aku maling ayam bak," yung mulai jujur. "ayam sape, mangke mane ayam tu. pacak kite balikka saje dan mintak maaf ngan jemenye," kate pak beluk masih tetap tenang. "nah, tini ni ayam tu lah aku jualka bak," yung maju becerite. "amun luk itu mane tancinye," tanye pak beluk agi. "lah abis pule bak," jawab yung.  "yak entah nian yung. ude ayam sape kaba maling tu. pacak kite jenguk jemenye," pak beluk mulai rengam ngan yung. "ayam besak di dalam reban belakang rumah kite ni bak," kate yung jujur nian. "nah, bearti kaba nila maling ayam bangkok aku. jeme lah payah bedalak. mangke berape pule kaba jualka ayam tu sangkan lah abis tancinye," pak beluk langsung marah nian karne ayam kenan memang lengit. "ai kecik bak, cuman 50 ribu aku jualkah," timbal yung agi. "ayai yung aii," pak beluk tambah marah nian. "kate bak tadi dide kah marah. kate bak pasti iklas amun aku lah jujur. ngape bak masih marah," kate yung luk adak. "ya allah yung aii, anak sape nian kaba ni nak aii," pak beluk lah pening nian dan dide pacak ngicik tape-tape agi. *

Tag

Share

• 
• 
• 
• 
•