Oppa Korea

Pak Beluk mesan baju di online, harganye 200 ribu. Baju yang dibeli Pak Beluk ini model kemeja, mirip dengan baju artis Korea. Hayalan Pak Beluk misal pakai baju itu dipakainye, walaupun de mirip artis korea, setidaknya nambah keren. 

Singkat cerita datanglah paketan Baju Pak Beluk, langsung dibukak. Bajunya memang same dengan baju yang dipakai artis korea itu. Warnanya same-same ungu, bedanya di artis korea itu putih. Sedangkan Pak Beluk ini hitam.

"Allhamdulillah sampai bajuku, warnanya dan detailnye same dengan oppa korea," kate Pak Beluk sambil ngecak bajunye.

Sangking riangnye, Pak Beluk langsung makai baju barunye itu. Midur ke rumah Merin, sepanjang jalan jeme ini tecengang nginak Pak Beluk. Ayin karena bajunye halap tapi warna ungu baju dengan kulitnye itu de masuk. Sampailah di rumah Merin ceritenye.

"Ai warna baju kamu ini ce," kate Merin sambil nyengil nahan tawe.

"Masuk warnanye ce," kate Pak Beluk 

"Ngpe kaba beli warna ungu ini ce, warna janda ini," kate Merin 

"Mahal ini ce, baju yang mirip artis korea itu ini," balas Pak Beluk sambil jajakan foto artis korea itu.

"Ooi awu nian, tapi kurang lemak dikaba makainye ce. Artis korea itu putih jadi cocok, sedangkan kamu ini hitam jadi dide masuk ce," kate Merin sambil senyum nahan tawe.

"Tapi halap dide bajunye, serius aku ni ce," tanye Pak Beluk penasaran.

"Halap ce, kalu orang korea itu panggilannye oppa. Kalu kaba ini panggilannye oppo," kate Merin sambil ketawe.*