Tanci Smoking

Belum lame ini Pak Beluk cerite mase lalu waktu sekulah di Kota Bengkulu. Pak Beluk minta kirimi saje waktu itu tanci dengan bapangnye, ampir tiap minggu pule. Iluak ini cerite tanci smoking.

"Bapang masih SMA dulu sekulah di Kota Bengkulu," uji Pak Beluk.

"Lemak bapang di sekulahkan datuk di Kota Bengkulu nihan, amen aku di sekulahkah ni di dusun nila," timbal Yung Pantit.

"Bapang dulu de lame sekulah di kota tu Yung, bapangni malas belajar," timbal Pak Beluk agi.

"Nah, cak malas bapang, ngape aku de bulia libur ni bapang," uji Yung Pantit.

"Zaman dulu belum modern zaman kini Yung, ape saje pacak liwat HP," timbal Pak Beluk.

"Ai cacam, jadi amen minta tanci dengan datuk iluak mane bapang?" timbal Yung agi.

"Main surat-suratan Yung kirim kantor pos," jawab Pak Beluk.

" Ape isi surat tu bapang," timbal Yung Pantit agi.

"Ai ndak keruan gale Yung ni, isi surat tu nye de pernah tinggal tanci smoking Yung," uji Pak Beluk.

"Die pule tanci smoking bapang?" jawab Yung agi.

"Tanci rukuak Yung, bapang sekul dulu lah neman ngudut, anye kire datuk smoking tu batan sumbangan bayar uang kebersihan," jawab Pak Beluk.

"Ai cacam penipu bapang dulu," timbal Yung agi.

"Mase lalu Yung jangan disamekan dengan kini, bapang juge anye sampai warung sekulah sambil ngudut pule," jawab Pak Beluk agi.