Advertisement Google

Kene Pusikah

Reporter: Admin |

Editor: Admin |

Selasa , 14 Nov 2023 - 19:21

Pak Beluk--

kene pusikah                            belum lame ini pak beluk dilanda banyak masalah. mulai masalah yung pantit di sekol sampai masalah ndung yung pantit di acara pesta. pak beluk lagi pusing nian ngadapi masalah banyak ni. tambah jarang pule mandi maklum sumur pak beluk lah kering. pale pak beluk tambah pusing saje. di ghumah pusing, bekushik dengan kekantin pusing pule.
pak beluk bepikir sughang iluak mane mangke pusing lengit, ape dipingsankah kudai,  ape yang iluak ngatasi masalah. 
mulai lah pak beluk nemui kancenye merin. 
"apo lukak kini merin ceritenya mu tambah sehat banyak pule tanci," uji pak beluk. 
"kalu itu biase saje pak beluk, jak dulu walau pikiran kusut tapi wajah jangan sampai kusut mangke mandi tiap aghi," jawab merin. 
"aku mandi jarang sumurlah kering, kalau biasenye seaghari empat lima kali mandi," timbal pak beluk. 
"mangke tuape kendakmu datang ke ghumah ini," uji merin agi. 
pak beluk njawab “aku ni lagi pusing nian ce, kekalu ado ubatnye. ape kila yang penting happy  kudai”. 
jawab merin “tenang saje, ade pak beluk. kuncinye duit, kalau ade pacak gale kite lengitkah pikiran pusing, kusut dan sejenisnya. malam ini kabah dide pule agi pusing, malamni kite happy”. 
mulailah merin ajak pak beluk makan di ghumah makan mewah. 
merin ngicik "pak beluk, air dalam botol meja ni habis gale denganmu supayo mu happy. merek nyeni minuman keras. habis de mu".
timbal pak beluk bebesakan "habis merin, kalu cuma 10 botol nila gampang".
mulailah pak beluk bejigak minum air dalam botol bermerek minuman keras tu. 
"lah habis merin, ngape de mabuk aku ni de juge happy," kate pak beluk
"jerang agi pak beluk ceki muntah aik kabah," timbal merin sambil besiul. 
belum lame muntah nian pak beluk. 
“yak merin ngape de pusing cuman munta aiak akuni,” kate pak beluk ringam . 
jawab merin agi “ukan minuman keras itu pak beluk cuma mereknye saje. jadi yang kabah  minuman untuk basuh tangan sebelum dan udim makan”. 
sambil nepuk meja pak beluk "jadi bukan minuman keras ini merin pantas lah de pusing akuni. kalu aik biase banyak di ghumah. dide pule ndak happy di rumah makan nian”. 
jawab merin sambil ngusuak perut "sekali-kali bandar aku makan lemak kudai pak beluk. aku kenyang, mu pacak muntah aik saje". 
sambil purik pak beluk negaskah “kabah ini musikah aku. kalau mbak ini kabah kene kuduk lanang ini kele.
nganing pak beluk purik pasang udim merin langsung ke kasir “udimlah bapang yung aku yang bayari makan ini tadi”. (man)

Tag

Share

Koran Terkait

Kembali ke koran edisi Radar Kaur, Rabu 15 November 2023

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan