Advertisement Google

Akal Panjang

Reporter: Rohidi Effendi |

Editor: Daspan Haryadi |

Kamis , 20 Feb 2025 - 20:39

Pak Beluk--

akal panjang                            malam kemaghi pak beluk ngajak kance-kance lamenye, merin, ujang kericup, dan lihin kumpul di rumahnye.
pak beluk ni ceitenye ade ye ndak disampaikan dengan kekancenye tu, dan penting nian menurut kenan.
singkat cerite, pas malam tu lah kumpul nian kawan-kawan lame pak beluk di rumahnye.
merin dianggap ye paling tue langsung ndulu betanye. kenan betanye perihal sepenting ape pak beluk ngajak kumpul tu.
"kudai bapang yung, lemak jejelas kudai tape ye ndak kaba bahas ni sebenarnye," kate merin.
"awu, tape die ye ndak disampaikan tu bapang yung. amun ditelpon tadi luk kah penting nian kinakku," sintung ujang.
"awu kicikkelah mangke udim bahasan ni," timbal lihin.
"anu luk ini kekawan. luk ape amun kite ni nanam kopi serentak. aku ade lukak lahan ye belum dibukak," kate pak beluk.
"kudai bapang yung, ngape sangakan kaba tetibe ndak ngajak kite segalenye nanam kopi musim mbak ini aghi," merin langsung ndik seakalan.
"kan lah same keruan, sedah viral nian mbak ini rege kupi 60 sampai 70 ribu per kilo. banyak nian jeme tetibe kaye gegara bekebun kopi ni mbak ini," pak beluk njelaskah.
"nah inilah kaba ni dide berubah, cepat ige temakan ye sedang viral. anye dide dipikir agi iluk-iluk," kate merin marahi pak beluk.
"awu, lagi gi budak dulu saje dide kenyawean ndak mbukak rimbe. ape agi amun mbak ini aghi. nyawe saje untuk masih ade," timbal lihin.
"ndak kaye tu ndik pacak seganpang itu bapang yung. ade gale prosesnye. ini nah, gegara risuk ngijeka kopi, kami tamu kaba ni saje dide kaba suguhi kopi, lah kecul gale nian ini," sindir ujang kericup.
"itulah, aku tu sebarnye sedang sare nian mbak ini. gule kopi saje lah abis gale di rumah ni. itulah sangkan aku ngajak kamu ke sini. kekalu kamu ade ye pacak minjami kudai," pak beluk jujur sambil nyengir-nyengir luk ndik besalah.
"ai lah rusak nian kaba ni bapang yung, aseku sengkiap pikun kaba ni. iluk beobat kudai. ude melah balik kite, nide ke ngudimkah kerje bapang yung ni," kate merin langsng ngajak balik karene rengam. *

Tag

Share

Koran Edisi Terbaru

Baca Koran Radar Kaur, Selasa, 19 Mei 2026

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan