Pak Beluk dengan Merin belum lame ini ditunjuk sebagai panitia donatur lomba kemerdekaan HUT RI. Segale urusan proposal dan duit pelaksanaan HUT dengan raban bedue ini. Singkat cerita duit proposal ini lah terkumpul 1,5 juta.
"Ce duit ini lah tekumpul 1,5 juta, jadi kite luk manekah," kode Pak Beluk dengan Merin
"Ambik 200 ce, batan rokok dengan minyak kite. Kicikah saje 1,3 juta ribu dengan ketua kele," jawab Merin.
"Siaaap, laksanakan," balas Pak Beluk.
Singkat cerita duit 1,3 juta ini langsung dikumpulkan Pak Beluk dengan Merin ke Sekretaris untuk mengindari kecurigaan.
"Ketua duit proposal lah radu kamu kumpulkan ke Sekretaris. Total segale duit itu 1,3 juta," kate Pak Beluk.
"Pas 1,3 juta itu?" tanye Ketua Karang Taruna
"Siap pas ketua," balas Pak Beluk.
Lucunya, sangke Sekretaris duit yang dienjukan Merin dengan Pak Beluk ini. Belum dihitung, sebab waktu ngenjukah duit Pak Beluk ditanyei total duit itu berape, cacak dide keruan. Waktu Ketua Karang Taruna betanye Sekretaris nyebutkah 1 juta.
"Lah ade, rombongan Pak Beluk dengan Merin nyetor duit proposal dengan kaba?" tanye Ketua Karang Taruna
"Siap ketua lah udim, total duit 1 juta," jawab Sekretaris.
"1 juta luk mane? Bukannye 1,3 juta kate Pak Beluk dengan Merin," jawab Ketua Karang Taruna.
"Siap ketua, cuma 1 juta. Masuk di aku mungkin dikorupsikah tian bedue," tegas Sekretaris.
"Allahu Akbar, kalu iluk ini, aku kah juge korupsi" balas Ketua Karang Taruna.