Pak Beluk lagi pusing dengan kerjean jeme banyak mbak kini. Masalahnye acara pesta pernikahan sampai acara akikah anak ndak pakai amplop gale.
Singkat cerite Pak Beluk nemui kancenye Merin, biase lah minta petunjuk mengke cete care ngatasinye.
“Merin, aku ni lagi pusing de pacak lagi pegi ke pesta dengan acara akikah,” uji Pak Beluk
“Ngape mu pusing, biase datang tempat acara pesta pernikahan dengan akikah,” timbal Merin
“Aku ndak istirahat datangi acara, pengisi amplop de adenye agi,” jawab Pak Beluk
“Jangan pusing Pak Beluk, jeme acaratu de perlu tanci yang penting amplop masuk ke kotak depan pintu masuk tu,” saran Merin
“Jadi cukup amlop, ngenian pule kan cuma dikinak jeme banyak tu amplop masuk kotak,” uji Pak Beluk
“Nah kan pintar mu, jadi de pule ndak pusing. Tapi janganmu buat name di amlop tu,” saran Merin agi.
“Oke Merin ndak ujikan kudai,”timbal Pak Beluk
Mulailah Pak Beluk undangan ade empat butiak dalam seminggu didatanginye gale, pakai sepatu mengkilap baju alap dengan celane jin pede benagh datangi undangan. Anye saje cuma amlop kosong saje masuk dalam kotak.
Dalam ati Pak Beluk, makan dapat, benyanyi dapat de pule ndak ke luar tanci amen iluak ini carenye, terima kasih nihan Merin kate Pak Beluk dalam atinye.
“Mantap nihan caremu, lah 10 undangan didatangi de pakai tanci, cuma amplop kosong saje masuk dalam kotak,” uji Pak Beluk.
“Au Pak Beluk, anye jeme pasti curiga mu amplop kosong, masalahnye, mu hadir di pesta tapi name diamlopmu de ade. Kini dunie lah canggih, tiap amlop tu dibuka namenye dicatat di buku hitam,” timbal Merin.
“Jadi salah akuni Merin, uji mu kate iluak itu,” uji Pak Beluk
“Bukan lagi salah Pak Beluk, beduse pule. Makan pule tambah nyanyi pule cuman masukah amlop kosong. Itung-itung cuman modal Rp 500,” timbal Merin.