NDUNG YUNG kini lah dibelikan motor dengan Pak Beluk.
Tapi walau lah ade motor, bini Pak Beluk belum keruan nian gunekan motor. Ape agi tentang aturan lalu lintas.
Walau belum keruan tetuape, tapi ndung Yung gengsi betanye.
Pas akap – akap ndung Yung kah berangkat ke pasar. Kebetulan badah pasar agak parak dengan ghumah kenan.
"Kah kemane Mak," tanye Yung.
"Cacukan motor baru kite ke pekan kudai," jawab Ndung Yung singkat.
"Kele aman nak berbelok, enjuk tande idupkah lampu sen," Kate Yung.
"Au keruan ige aku," jawab Endung Yung.
Pas nak berbelok ke kanan, Endung Yung ngidupkah sen kiri.
"Buk kalau sen kiri, belok ke kiri jangan belok kekanan," Kate penggune kendaraan lain yang hampir nubur Endung Yung.
"O, au pak. Lampu ini sedang ade masalahnye," jawab Endung Yung cecengir.
"Yak hampir nian kecelakaan ni tadi, luk itu gune lampu sen ni. Salah sen aku ini tadi, untung dide ditahui bapang Yung, kalau sampai keruan. Pacak sebulan jadi sesebutannye di ghumah," dalam ati ndung Yung.