YUNG Pantit purik nian dengan tetangge barunye, sebab tiap ketemu ngicikah die model gegadisan. Awalnya Yung dipusikah model ini mendam saje, tapi lame kelamean die pur8ik juge dengan gadis baru itu. Anye dia dide pacak melawan, ape ye akan dikatekah ketike Yung dikicikah gegadian. Saking bingungnye Yung lah abis akal. Tapi die dapat ide baru, supaye disampaikan itu pacak dibantah dengan fakta nian. Semingge waktu gadis tu mantau Yung agi, die lah mulai pasang akal barunye.
“Hai Yung, alang alap gegadian kami ini. Tiap akap dengan petang rapi nian, cantik nian kabah ini,” kate gadis tetangge Yung.
Yung nyengir saje, tapi die njawab juge “Bung lukmane kabah ngicikah aku ini gegadisan. Aku ini lanang nian, ukan betine”.
Sambil lelinyum gadis tetangge Yung terus musikah “Itukan kate kabah, buktinye kabah lanang tu dide bedie”.
“Ayai ibung tu, tape maksud tini a. Mancing nian ibung dengan aku,” kicik Yung Pantit memimut.
“Kabah tu dide keruan lanang ape tine, aku saje keruan kabah tine,” kate gadis itu sambil tetawe senian.
Panas Yung, dalam ati Yung kena kabah gadi sekali ini. Sambil tesenyum kulum Yung nyampaikah “Aku ini lanang bung, ibung jge lanang. Ukan ibung tu gadi, kalau ibung beanggapan gadis salah besak nian”.
Agak tekejut gadis tetangge Yung, sebab die dide nyangke Yung nyerangnye juga. Tapi die santai saje sambil ngicik agi “ Itukan kicikan kabah saje, pasti kabah salah”.
Yung mulai pasang udim, ini saatnye kene kabah pikir Yung “Kini kite saling buktikah bung, aku ini gadis ape lanang. Udim tu kite buktikah ibung tu lanang nian”.
“Ai kabah, nantang nian,” kate gadis itu PD.
Nimal pasang udin Yung “Au bung, kini pembuktiannye gampang. Kite seancak ranggian, aku bukak celane ibung buka calane. Itulah finalnya, malah kini kite cacukanh”.
Tekejut pasang udim gadis tu, teabang dahinye sambil nyengir kisit.