BELUM lame ini Yung Pantit mendadak kaget bukan main. Masalanye di sekolahnye kini ade guru baru. Guru nye pelajaran yang die kurang setuju.
Singkat ceritenye, Yung Pantit jak sekul sampai kini de riang dengan pelajaran matematika.
"Bapang, di sekul aku kini ade guru baru, aku bingung de pacak care pelajarannye," uji Yung Pantit
"Guru baru dengan guru lame, same saje Yung, asak mu ndak belajar," timbal Pak Beluk.
"Same lah bapang. Belum ngajar lah banyak pertanyaan, jak mutur karut sampai mutur alap ade gale," jawab Yung Pantit agi
"Ngengape Yung, mase pelajaran sekul sekalian gerude bughuak ade gale. Kabahtu lum sekul tinggi Yung masih sekul SD. Jadi lum ade pelajaran gerude bughuak," timbal Pak Beluk.
"Nye bene pule bapang, ade pelajaran rumus baru. Carenye mbenekah nihan. Mase satu tambah satu ndak dikinakah ke internet hasilnye lah keruan angke due. Lagi pule, amen timbul warna abang de dapat tanci, tapi amen warna hijau bakal tanci masuk," uji Yung agi.
"Bebenag Yung , amen tanci masuk pacak gale bapak jawabnye, anye saje jangan pakai HP payut, bapang de ngerti," jawab Pak Beluk.
"Yak Bapang, zamanni lah maju, amen ndak tanci banyak, asak pacak ngijekan HP pacak gale tanci masuk" timbal Yung Pantit
"Zaman maju Yung. Tapi duneini masih terang gelap nilah kerjenye, ndik pakai HP payut nian. Pesankan dengan gurumu amen ndak batan tambahan tanci banyak, bekebun kawe saje. Ceki besak de pule ndak rumus baru nihan, banyak ijean internet, sape pule internet tu Yung," timbal Pak Beluk
"Nta bapang sampai kini belum pernah die datang ke sekolah, kalau kate jeme, internet badahnye di ghimbe besak. Jadi de pacak dikici kekendaan die itu," jawab Yung sambil tetawe.