Jadi ceritenye Yung Pentit ngan kancenye ni tiap ndak sekul telat saje. Dengan alasan pecah ban. Tiap sampai di sekolah selalu kene hukum.
Hukuman Yung Pantit ngan kancenye ni selalu dijemur di lapangan.
Padahal Yung pantit agi ngincar cewek dalam kelas tu. Tapi dengan tingkah laku Yung Pantit ndik lah galak betine tu. Karne Yung Pantit banyak ulah.
Ame Yung Pantit ni galak-galak nian.
Singkat cerite lah masuk dalam kelas Yung Pantit ni ngan kancenye. Tecengang gale rombongan dalam kelas.
Nah, pas saje kirenye Yung Pantit ni duduk sebelahan ngan betine yang die ribangi.
Jadi pas tibe istirahat kelas. Berceritalah dengan kancenye tadi.
"Bro asekah umban jantung ku ni tadi bro-bro. Pas nian weh waktu tu," Yung Pantit ngicik.
"Kekalulah jam kedue ni masih galak die sedampingan," kate Yung Pantit agi.
"Ame die masih sedampingan ndak ku tembak betine tu bro, haha. Ndak kucube kudai sape tau ngene," kate Yung Pantit becerite.
"Ame die galak ngan aku ape kekendaan dengah kele ku kabulkan bro tenang saje," Yung Pantit galak bejanji.
Jadi singkat cerite agi lah masuk, walhasil masih nian sedampingan. Jadi tu gemetar-gematar Yung Pantit ni grogi. Salah tingkah.
Pas lah ditembak dalam kelas, ketahuan ibuk guru. Yung Pantit ni dipanggil ke depan untuk ngulangi care die nembak betine tu tadi.
Yung Pantit maluan, dik galak agi ngancakkah muke.