ADE sebuah keunikan antara Pak Beluk dengan Mak Beluk ketike sedang bebalah. Jeme due laki bini tersebut berhenti sekicikan, berkomunikasi lewat tulisan. Seperti ye terjadi saat ini.
Karne besok jadwal Pak Beluk piket di kantor desa. Pak Beluk ye sukagh bangun ini, dituntut bangun akap-akap.
"Ndung Yung. Pagi jadwal aku piket di kantor desa dan ade rapat penting juge. Tolong bangunkah jam 5," tulis Pak Beluk lalu dienjuk dengan bininye.
Akap paginye, ternyate Pak Beluk bangun jam 9 pagi. Padahal die harus masuk jam 7.30.
"Ndik dibangun kah aku ngah Endung Yung Pantit. Ngajak beribut nian tini," upat Pak Beluk.
Sebelum Pak Beluk beranjak jak katil. Die menemukan kertas ye bertulis, "Bapang Yung bangun!! Lah jam 6 akap. Katenye kaba piket".
"Cacar. Balak 6 nian tini. Baghih diturunkan kabar jak Sekdes ke Linmas aku ni gara-gara telat ngikut rapat ngah piket ni," kate Pak Beluk sambil gegupuh ke kamar mandi.