Jadi Merin dengan kekawannye ni njak jauh hari memang lah berencana ndak befoto. Tapi sempat ditunda seminggu karne agi mesan baju couple.
Paslah sampai baju couple, ndik pule sesuai dengan yang asli alias terawangan.
Jelah nginak baju terawangan ni tadi rombongan kekawan Merin ni banyak protes. Ade yang ngicikkan kurang bahan, ade ngicikan ndik niat di jahit.
Tepakse rombongan Merin ni tadi nerime ape adenye puk kurang senang.
Singkat cerite lah hari H-nye befoto, singgenye riuh dalam ruangan tu luk bunyi siamang. Ade lah makai kacemate itam, ade yang kace mate kuning, lebih parahnye bawe topi ndak ke pantai.
Jadi spontan Merin ngicik kah kawannye ni tadi.
"Yak ndik pule ndak bawe topi ke pantai, kanye ndak befoto di pantai," Merin ngicik.
"Mentang baju kuning, kacematelah kuning, pukuknye dijeme rami ni dengah sughang yang beda ni," sambung Merin agi.
"Yak Merin pacaklah aku, base aku ni lah mak-mak die, jadi wajar laki ku lah ade. Ame dengan tu lum tentu betine kah ribang," jawab kance Merin agak kesal.
"Jadi jangan galak nyemun au," sambungnye agi lebih ganas.
"Yak Bung neman pule, namenye beragam mudah nian tesinggung ibungan cantik ni eh," jawab Merin sambil bujuk.