Ceritenye Yung Pantit ni ndak berangkat sekol. Pas di tengah perjalanan pecah ban.
Jadi maju ngeluh Yung Pantit ini. Dorong motor sambil bekutuk.
Pas lah nemu bengkel riang hati kenan. Kirenye nutup pule, tambah panas ati Yung Pantit ni mane ndak sekol mane ban motor pecah.
Jelah tu langsung istirahat bawah batang piasang kenan. Ndik lama datanglah kancenye yang ndak sekol, laju serempak dengan kancenye tulah Yung Pantit ni tadi.
Singkat cerite lah pertengahan jalan agi lah ndak sampai sekol, giliran ban motor kance nye tu pule yang pecah ban.
Tambah angat ati Yung Pantit.
"Asenye ame luk ini arung, ade yang salah diantara kite due ni, ntah berat badan ntah berat duse," kate kance Yung.
"Kurase same saje kite tu, badan same besak ntah ame duse," jawab Yung Pantit.
Singkat cerite agi lah sampai di sekolan telat pule.
"Kene gale kite ni bro, mane payah durung motor mane telat kene hukuman ni," Yung Pantit ngicik.
Lum lame datanglah guru.
"Pak kami ni tadi pecah ban," kate Yung Pantit ngicik kekalu cepat masuk kelas. Anye kepuasan kinah direrayu ndik juge mempan.
"Keliling lapangan kudai ame ndak masuk," kate Guru ni tadi.
"Yak Pak ngape ndak keliling lapangan kanye anak SD agi," kate kance Yung Pantit.
"Ame dikde nurut dikah masuk," jawab Guru.