WAKTU aghi lebaran idul fitri ini Yung Pantit nga kekawannye keliling ke ghumah warga. Selain untuk meminta maaf nga tetangge atas kesalahan ye dilakukan, misalnye ngambek buah mangga tanpa izin. Rombongan ni berharap dapat THR kapuh njak jeme dikusiki.
"Masuk masuk. Makani kudai kue Nining ni," kate Ninik Kari nginak kedatangan Yung nga kekawannye.
Yung Pantit lantas duduk. Lalu die mewakili kekawan ngicik nga Ninik Kari, "Aku mewakili kawan-kawan ndak minta maaf nga kamu ning. Soalnye kami galak maling mangga nga buah-buahan kamu ye lain".
"Tenang saje Yung. Sebelum kamu minta maaf. Salah kamu lah aku maafkah duluan," kate Ninik Kari.
"Makasih ning," kate rombongan dak kecik itu.
"Kini makanlah kudai kue nining ni," kate Ninik Kari
Saat rombongan kakawannye kamamek makani kue. Yung Pantit hanya diam saje sambil minumi ayik akua.
"Ngape dide dimakani kue ni Yung," tanye Ninik Kari.
"Aku ni meretuk makan Kong Guan itu, ning. Cuma aku takut kele pas dibuka isinye rengginang. Tekene prank saje aku," ungkap Yung Pantit polos.
"Hahaha. Tenang saje Yung ukan rengginang isinye tu. Asli roti Kong Guan nian isinye," kate Ninik Kari sambil bukakan tutup bada kue.