Ceritenye Pak Beluk ni lah jauh aghi lah bejanji ngah Merin ndak betemu ngah jeme beduit. Anye pas sampai di ghuma Merin, jemenye dik bedie alias tekatup gale.
Masih nunggu di situ Pak Beluk ni. Ditelponnye Merin ndik ngangkat, nelpon pule kance dik pule ngangkat.
Mondar-mandir luk jeme bange sambil nunggu Merin kalu nian balik.
"Saye ditunggu saye lame tini, saye ditelpon saye pule dik diangkat," Pak Beluk kemucup sughang.
Singkat cerite pas ndak balik ke ghuma Pak Beluk, tibe-tibe ade jeme tue kebetulan tengah giringkah ayam.
"Dik bedie Merin di ghuma kan?" jeme tue tu ngicik.
"Au Warang, dik bedie ke mane Merin, tau kamu?" kate Pak Beluk betanye.
"Di luagh tulah tadi, cube kinak’i atas meja tu, pucuk meja tulah tadi," lanjut jeme tue tu.
"Ayyy dikde tini lahh kurang warang ni, ame ditauk’i awak juge ngikut linglung," gemegai Pak Beluk tawe sughang.
Lah di pucuk motor, masih kinah terupuk gawi Warang tadi ngah Pak Beluk.
“Urung betemu ngah jeme beduit, laju betemu warang kurang segaris,” Pak Beluk bemumut sambil ngengas motor. (cw2)