Pak Beluk dengan Merin sedang makan di warung nasi padang. Karena hargenye agak murah ketimbang warung padang lainnye. Pak Beluk ngambik gulai bebayak jenis gulai berinci-rinci.
Singkat ceritenye, tian due ini lah makan, Pak Beluk ini seheme makan. Sangking ke lemaknye gulai tu.
Waktu tengah makan gulai hayam Pak Beluk ini agak kesulitan gigit gulai itu. Pokoknye lah sekendak hati gigit, tapi rase agak pedas dan keras pule dagingnye itu.
"Ndukk keras pule gulai hayam ini," kate Pak Beluk.
Merin maju makan, uluk adak ngeharikan Pak Beluk. Tapi Merin ini keanehan nginak Pak Beluk kesulitan gigit ayam itu.
"Neman, kamu gigit gulai itu, gulai ape itu?" tanye Merin.
"Hayam tapi keras nian," jawab Pak Beluk
"Cube inak kudai lengkuas ape hayam itu?" kate Merin, mulai ragu.
Nah waktu dikeluarkan endai banguk rupenye itu bungkus lengkuas.
"Na kate ku lengkuas itu ayin hayam," jawab Merin
"Iyaaak, wajar agak pedas rasenye," kate Pak Beluk.