Jadi ceritanye Merin ni ndak berayak ke ghuma Pak Beluk, karne Pak Beluk sedang sakit.
Datang Merin ni tadi ngajak bibaynye. Maklum Merin pai udim nikah, sambil ndak ngenalkan dengan Pak Beluk.
Sate diajaki bibay Merin ni tadi lah nimpil pucuk mutur, sambil bepeluk.
"Dide ndak nempel benagh luk ini. Maluan kinak jeme rami, biase saje kuday lain ame kite due saje di ghumah," kate Merin ngiciki bibay mudenye.
"Yak, ngape pule maluan lah sah kite ni, lemak romantis namenye pengantin baru," timbal bibay Merin.
"Udim ame mak itu, kate kabah bepeluklah bekecak iluk-iluk," jawab Merin.
Singkat cerite lah sampai ke ghuma Pak Beluk ni tadi. Kebetulan sedang bekumpul.
Kenalkanyelah ngah Merin bibay barunye, ngah Pak Beluk dan Ndung Yung.
"Yak, kecantiknye bibay, pacak kabah milih. Care iluk nian itu Rin, mantap pokoknye," ragam Pak Beluk.
Singkat cerite agi, Pak Beluk nanyei Merin. Berhubung jalan duduk ngah bibaynye jauh.
"Cantik nian kabah ni milih bibay, kenal di mane titu?" tanye Pak Beluk.
"Kenal di Facebook (FB) mang, pai 3 hari kenal, pas diajaki nikah lah galak nian. Ndik teurung pukuknye jelah rezeki ku lah ini, bibay cantik lihay bemasak, romantis pule haha," Merin tetawe injik.
"Mangke tu Mang lah bepeluklah die pucuk motor ndak ke sini tadi. Akulah maluan ngah jeme rami, ame katenye mangke romantis. Jelah nurut saje ngah bibay mude, pukuknye dide ndak ku sie-siekah pukuknye Mang, rezeki ku nian haha," jawab Merin agi, sambil tetawe injik.