Pak Beluk ngan Merin belajagh bisnis.
Due bekawani bisnis jual beli tanah kebun.
“Ade lukak kite,” kate Merin pas betemu Pak Beluk di jalan ndak ke ayik siring.
“Ade kebun sawit kawan ndak dijual. Kabah dalaklah jeme ndak belinye,” kate Merin.
“Jadi kele aku dalakah lawannye,” jawab Pak Beluk meyakinkah nian.
Singkat cerite, Pak Beluk betemu jeme ndak belinye.
“Pagi kite survei lahan ngan jeme ndak belinye,” kate Pak Beluk.
“Oke mantap itu,” jawab Merin lewat pesan suara WA.
“Memudahan cocok, dapat rokok kite kele,” timbal Pak Beluk sambil tetawe.
Udim cek lahan, jeme anak belinye ngicik jadi dide, ngicik endik jadi dide. Tapi ndak bepikir kudai.
“Yak litak kite, minyak lah abis seliter, rokok sebungkus, dapat untung belum ini,” dalam ati Pak Beluk. *