Pengaruk

Abis makan Pak Beluk duduk di berande depan.

Empai teduduk Merin sampai.

“Ape ulahan Bapang Yung?” tanye Merin.

“Nide, deduduk ntantai saje,” jawab Pak Beluk.

“Ngape luk ade kabah pikirkah ni?,” tanye Merin.

“Dai kabah itu tekinak agak lain,” lanjut Merin.

“Entah bingung aku, ibung kabah tambah pengaruk saje kini,” jawab Pak Beluk.

“Yak, kalu kabah betingkah nian,” jawab Merin.

“Yak luk mane ndak betingkah, kalu nide beduit,” jawab Pak Beluk.

“Itulah pule betine ni, aman diladeni makin jadi,” jawab Merin.

“Ade carenye, lain kali diamkan saje. Tingalkah pegi,” jawab Merin sambil pamit kisit.*