Belum lame ni Pak Beluk dengan Merin jalan-jalan keluar kota. Berhubung Pak Beluk pai udim gajian pas saje Merin ngajak jalan-jalan.
Tanpa berpikir panjang Pak Beluk dengan Merin langsung keluar kota alias jalan-jalan. Puk uji keluar kota Pak Beluk dengan Merin masih makai motor.
Lah di tengah perjalanan ditimpe dengan hari sial alias hari hujan.
"Malang nian nasib amen luk inilah, awak ndak jalan-jalan hari hujan pule," kicik Merin dengan Pak Beluk.
Lajunye rombongan due neduh jerang, lah agak rede juge dikit lanjut perjalanan, berkat perjalanan tu agak jauh ndak ngejar waktu.
"Cube kite due ni ade mobil, nide kah sare nian uluk ini, jeme simpang sius makai mobil nidelah keujanan ade kite mane bebawean banyak ujan pule," Merin beratap.
Singkat cerite lah di tengah perjalanan ndak sampai Merin yang makai motor ni tadi kurang fokus sangkenye tadi anak ayam, kirenye lah numbur Kambing.
"Ngape pule ndak tumburkan dengan kambing, lah tau ade Kambing," Pak Beluk bekutuk.
"Nide sengaje Mang, penginak’an aku kecik, jelah ditumbur tadi," jawab Merin.
"Itulah karma nian amen luk ini, kambing sebesak itu ditumbur kah kalah tulah kite ayy kance-kance nide beutak dengah ni," kicik Pak Beluk agak kesal.
"Sekali agi, kalu kurang besak tumburkan dengan sapi," Pak Beluk rengam.