PAK Beluk dengan Merin mulai bisnis baru.
Due bekawan ini, dalak lahan kebun untuk dijual.
“Bapang Yung ade lukak bisnis tanpa modal,” kate Merin.
“Yak mantap itu, ape pule bisnis itu,” kate Pak Beluk.
“Bisnis ini cocok dengan kabah, dan juge tanpa modal,” kate Merin.
“Kabah dalak lahan kosong untuk kebun yang anak dijual, kite tawarkan dengan pejabat, kabahkan banyak kenal pejabat,” kate Merin.
“Aman dapat lahan kite tawarkan naik hargenye, juge kite minta persenan jak jeme belinye kele,” kate Merin.
“Yak masuk itu, ade lahan kance aku anak jual sehektare Rp 20 juta kite tawarkan Rp 30 juta,” kate Pak Beluk.
“Aku tanye kudai sipe pejabat nak beli lahan,” kate Pak Beluk.
Singkate cerite, jeme anak bejual lahan dengan jeme anak beli lah dapat, tinggal survei lokasi.
“Bapang Yung pagi kite survei lahan kate kabah itu,” kate jeme anak beli lahan.
“Jadi, kele kite betige ade kance aku pule,” kate Pak Beluk.
Empai nuju lokasi lahan, jeme anak beli lah kepayahan bejalan.
“Bapang Yung masih lame sampai lokasi,” tenye jeme anak beli lahan.
“Aman jauh benah askes jalan masih karut, paling Rp 15 juta aku sanggup,” kate jeme anak beli lahan.