Belum lame ini Pak Beluk busik badah Merin. Ngape pule sambil ngudut banyak pule pisang muli nguning di meja. Pelapak singkenye Pak Beluk makani gale.
Belum lame Pak Beluk de tahan agi ndak mising. Pas saje suare setue ngaum. Singkat ceritenye iluak ini.
"Ape lukak Merin, de lagi duduk saje sambil ngudut," uji Pak Beluk
"Bulia numpang betandang, aku lagi de lemak perut," lanjut Pak Beluk.
"Ngape de lemak perut, di rumah ni banyak makanan peci kela kudai," timbal Merin.
"Jadi juge amen iluk itu Merin, pacak aman pule," jawab Pak Beluk.
Mulailah Pak Beluk sambil ngudut sambil makan pisang muli lah nguning gale.
Ai cacam jadi ubat perutni dalam ati Pak Beluk. Belum lame Pak Beluk ndak pamit buang aik besak dengan Merin.
Lasung saje ke belakang, kirenye rumah Merin de be-WC, anye meggangkung atas batang kayu tulah.
Mpai ndak lepas celane, suare setua, ngaum-ngaum, kirenye bunyi suare langau begumbul neman.
De jadi Pak Beluk buang aak besak, dalam atinye pecangkungan pucuak batang kayu rubuah banyak pule langau iluak muni setue ngaum.
“Mare Merin madak tukang hebat, de be WC, langau gale bada mising bunyi setue ngaum melibaran langau, de tahan aku lemak balik,” Pak Beluk pamitan. *