Pengalaman Merantau

Pas tulang agi mude dulu, Pak Beluk ni pernah nyubehkan yang namenye merantau. 

Satu lah di perantauan Pak Beluk dapat kerje ye bagian petagih-petagih.

Hari pertama kerje Pak Beluk anjam karne pertama kali kerje ngan jeme. Jadi, satu lah 3 bulan kerje jadi petagih utang jeme, Pak Beluk ni nemukan nasabah yang susah ditagih. Alias kalu ditagih marah (ribut).

Jadi singkat cerite, Pak Beluk ndak survey keluarganye nginak Kartu Keluarga (KK) agak aneh.

"Yak ngape pule name ni ribut gale, wajarlah keluarga ini galak beribut satu ditagih," kicik Pak Beluk.

Dalam keluarga isinye lime namenye ribut gale. 

Mat Ribut, Jeni Ribut, Edi Matribut, Eko Matribut, yang name paling kecik Joko Ribut.

"Kah sare name ribut gale," kicik Pak Beluk.*