BELUM lame ini Pak Beluk bidapan parah, sare nian kenan. Serbe endik lemak, bahkan ade pembengkakan di gusi kenan. Bahkan Pak Beluk sempat stres, saking puriknye. Kenan minta disembelih dengan ndung Yung Pantit.
Tapi karene ndung Yung calak, dibebujuk Pak Beluk galak diajak beubat ke ghumah sakit. Waktu bidapan ini Pak Beluk teringat dengan dusenye, dalam ati kenan kalau ghadu kele akan tobat jak hal-hal yang nyimpang.
“Aman aku sehat, aku enggup agi buat duse,” kate Pak Beluk janji dalam ati.
“Empuk lah bejanji dalam ati, bidapan Pak Beluk lum kinah sembuh dan Pak Beluk dianjurkan dirawat oleh dokter.
“Enduk nak dirawat nian ini, aman kan sembuh malah,” kate Pak Beluk ngan Endung Yung.
“Yak endik ade pilihan, di ghumah siape paham penyakit,” jawab Endung Yung.
Singkat cerite, Pak Beluk dirawat.
Selame dirawat banyak juge kance Pak Beluk beghusik.
“Semangat bapang Yung, pasti sihat kabah, aman sihat kele tobatlah,” kate Merin.
“Au nian, aku aman sembuh anak berubah nian,” jawab Pak Beluk.
“Au tobat nak berubah aman agi behaban, aman sembuh kele mane ingat agi behaban,” dalam ati Merin sambil cecegis tetawe nginak Pak Beluk masih kene impus.
Waktu kekantin ngicik urusan ngajung Pak Beluk tobat, nyintung ndung Yung Pantit “Sejujurnye aku belum yakin urusan tobat bapang Yung tu. Tobat kabah itu karene bidapan saje titu”.
Kekantin Pak Beluk saling kinaki dan lelinyum tetawe bias.