Pak Beluk dengan Merin masuk udangan musik muda-mudi jam 14.30 WIB. Tue bujang ngumumkah untuk tamu undangan makan.
"Untuk kawan-kawan malah kite makan kudai, nasi gulai lah udim disiapkan," kate tue bujang.
"Melah makan kudai," kate Pak Beluk ngajak Merin.
"Yak kudai ce, nunggu jeme mase kite bedue dehulu, ayin dusun kite ini," balas Merin.
"Dide ngape, anggap saje dusun kite," balas Pak Beluk.
Singkat cerita, rombongan tamu undangan lah mulai bejalan ke arah meja makan. Pak Beluk dengan Merin mulai mikut barisan. Sangking laparnye, lengkuas disangke Pak Beluk hayam.
"Ntuak bayak gulai mu ini, lengkap hayam ade, sengkayu manis, ikan, mie, telor pule," kate Merin
"Mumpung gratis," jawab Pak Beluk.
Rupenye lah kelaparan kiganan Pak Beluk, belum 5 menit gulai bayak ini habis tesisa ayam, waktu digigit ini keras, uluk batu.
"Ayam ape, kayu tini", kate Pak Beluk.
"Inak kudai lelaw kelak lengkuas itu," kate Merin sambil ketawe.
"Astaghfirullah, lengkuas tini. Gegara lah kelaparan ige ni tadi, ndik jelas nian penginak’an," jawab Pak Beluk. *