Pak Beluk, endik bedie selire, tiap hari kenan diam.
“Ngape kabah merengut saje kini,” kate Merin.
“Ape jagoan kalah Pilkada kemahi,” tambah Merin.
“Ukan, akuni gigi sakit,” jawab Pak Beluk.
“Yak litak gawi itu,” jawab Merin.
“Dimana jeme pintar ngubati gigi sakitni?” tanye Pak Beluk.
“Udim ke dokter belum?” tanye Merin.
“Udim. Nide juga ade pengambik,” kate Pak Beluk.
“Gigi yang mane pule sakit itu,” tanye Merin.
“Gigi bawah, kiri kanan dua buah sakit gale,” jawab Pak Beluk.
“Yak nanggung kabah Bapang Yung nahan kanye,” uji Merin luk peratian benagh.
“Ade Kance aku, pacak ngubati,” kate Merin.
“Malah tunjuk’i kudai,” kate Pak Beluk.
Singkat cerite pegilah Merin dengan Pak Beluk badah jeme pintarni.
Lah udim diubati, Pak Beluk mulai ndak ngicik.
Kategori :