NDUNG Yung ni lah anjam bena’r ndak nunggu tahun baru. Tuape ame lah udim beli baju baru, segale baru pukuknye. Pak Beluk lah udim pule dibelikah baju batik, ame kate Pak Beluk ndak warna abang (merah). Ame katanye warna paling favorit abang tu.
Lah anjam kematik pukuknye nginak warna abang ni tadi ase-ase idang petang ndak di pakai. Anye sate di ujikah alias ndak di pakai, kekecikan baju Pak Beluk ni.
Senampur Yung Pantit datang.
"Bak ngape pule makai baju batik ndak kemane pule sempit pule titu," Yung nanye Pak Beluk.
"Uy Yung Ndung kabah lah belikah baju ndik tahun baru, tulah kabah ndik tau, anye Ndung kabah ni ndik pacak milih," jawab Pak Beluk.
"Nduk Bak luk iluk kuday warna abang tu, ngejreng pule warna abangnye puk favorit kamu, pacak ase ku diganti Bak hehe," ragam Yung.
Berkat tini sempit ngah aku, jadi ndak ditukar tini. Ndung Yung dik jadi warna abang ni tadi, ame kate Yung dik lemak nginaknye. Jadi tukarkah pilih yang menurut yung Pantit cocok ngah aku," kate Pak Beluk.
Singkat cerite, sate udim nukarkah baju hasil pilihan Yung Pantit ndik Pak Beluk, hasilnye luar biasa alapnye. Luk ndak bujang agi buatnye.
"Nahh Bak mantap ame luk ini, jande mane de dik galak marak,” hahaha ragam Yung.
Nganing kicik anaknye ndung Yung agak madak. Kenan ngicik “Kabah ini memacam saje Yung, bapang dengan anak seragi. Pokoknye dide jadi kite beghusik ke badah wisata kalau pakai baju ini. Kalau kah ke badah lokasi wisata pakai baju lame”. (tik)