PAK BELUK dengan Merin nukuki jeme berdoa.
Pas berdoa, Pak Beluk dengan Merin duduk bedampingan.
“Lah lame kabah sampai ce,” Pak Beluk nanye Merin.
“Belum, jerang inilah,” jawab Merin.
“Doa ngape tetange kiteni,” tanye Pak Beluk.
“Biase, doa selamat saje ase ku,” jawan Merin.
Lah banyak undangan datang, akhirnye tuan ghumah bejijih jerang dan minta imam mbacekah doa selamatnye.
Singat cerite doa selesai dilanjutkan makan.
“Adik sanak, untuk makan silakan ambik sughang,” kete pembawe acara.
“Malah kite Bapang Yung, endik pacak keluar jeme akan dikite endik dulu,” kate Merin.
Pas ngambik gulai, Pak Beluk mulai ngenginak ye agak cete, sesuai dengan selire kenan.
“Cepat dikit Bapang Yung,” kate Merin.
Pak beluk langsung ngagkatkan daging ayam yang paling besak.
“Pas dimakan keghas, yak bukan daging ayam ini. Tebudi lengkuas aku ini,” dalam ati Pak Beluk.
“Yak ngape dide dimakan daging kabah itu,” kate Merin.