AGHI ini Yung Pantit dikawani bapangnye pegi ke rumah sakit. Tujuannye tentu untuk nyunat Yung Pantit ye lah hampir tamat SD.
Di ruang tunggu, Yung Pantit bertemu nga anak sebaya die. Namenye Jamet.
"Tuape lukak kaba ke sini, co," tanye Yung Pantit.
"Aku ndak operasi amandel, co," jawab Jamet.
"Oh. Dide ndak perlu takut, co. Aku lah udem operasi amandel tu. Kaba cuma perlu tiduk dan amu lah udem kaba kah dienjuk es krim," jelas Yung Pantit.
"Oke sip, co. Amu kaba ngape ke sini," tanye Jamet.
"Aku ndak besunat," jawab Yung Pantit.
"Waduh. Semoga beruntung kance," kate Jamet.
"Adak ngape luk itu, Co," tanye Yung Pantit penasaran.
"Aku dulu waktu mpai lahir langsung disunat. Akibatnye setahun setengah aku dide pacak bejalan. Mudah-mudahan kaba ndik senasib nga aku," kate Jamet.
Mendengar penjelasan Jamet. Yung Pantit ye semula yakin kah besunat jadi kembali ragu.
Die mulai pucat dan berkeringat dingin dan rase ndak kabur.
Anye ape hendak dikate die lah diultimatum bapangnye harus segera besunat.
Nginak pendahian Yung Pantit Jamet lah nebak, lanang di sebelahnya ini ketakutan. Dalam adi die “Lemot bepikir, wajar dide pacak bejalan. Masih lebuk”.