KANTIN Merin dengan Ujang Kericup sughang ini dide galak diajak beghusik atau kumpul – kumpul. Ape lagi kalau urusan organisasi, sebab jemenye super bijaksana dan bijaksini. Semingge raban yang mbataknye bakal pusing dewek diujungnye kele. Apalagi urusan keputusan musyawarah, kenan ini akan mudah nian nyepakatinye. Apelagi kesepakatan itu hasil ide die, bakal nempecung kenan riangnye. Tapi musim politik ini, Pak Beluk ngicik dengan Merin tentang kantin raban tu.
“Manelah kini Miun ce, lah lame kite dide bekumpul dengan die. Tapelah kulahannye kini kalau malam aghi,” kate Pak Beluk mulai ngicik.
Nimbalah Merin “Au nian, tapi aku yakin didekah keluagh ghumah kenan tu. Sebab di pasigh ghumahnye dide aje ye sejaju dengan care kenan tu”.
Agak penasaran Pak Beluk “Dide sejaju lukmane Merin, cete kantin kite sughang tu. Care bepikirnye alap, PD tegalau. Tape ye mbuat jeme dide ajam dengan die tu, aku rase ade ye dide pas dengan lingkungan die kini”.
“Aah kabah, cak dide keruan tabiat kantin kite sugahng tu. Biaselah gaya lame kaset baru tulah digawekahnye. Dide ade perubahan, mase gaya fisika tulah,” kate Merin.
“Naaa lah ade kate baru kabah ini, gaya fisika model mane ce,” tanye Pak Beluk penasaran.
“Oiii kabah, besak lah gaya ndak penghasilan. Besaklah bunyi njak bukti, kantin maju jadi ringam tulah,” kate Merin lelinyum.
“Oiii kabah dide iluk ngicikah kantin mbak itu,” kate Pak Beluk senyum.
“Tapi aku betanye dengan kabah bapang Yung, katin kite sughang tu nurut kabah model jemennye lukmane,” tanye Merin serius.
“Oiii, tabiatnya jeme penampilan supel. Mudah sepakat dengan keputusan, tapi giliran ade masalah ndalak aman sughang tulah. Biase gaya ngeles tulah,” kate Pak Beluk.