Pak Beluk dengan Merin berencane mbuat ternak burung merpati. Karena rabanan ini nginak di Facebook ngah YouTube.
Banyak jeme ye sukses usaha titu. Singkat ceritanye, sebulan setelah bepeham. Akhirnye due bekawan ini belilah bibit burung merpati 5 pasang jak pulau jawe.
"Jadi mbak ini ce, burung merpati ini lah sampai total 5 pasang. Maksud aku supaye usahe kite ini jalan dan diketahui jeme. Kaba buat konten tiap hari, terus upload ke tik tok ngah Facebook. Kalu soal ngurus, ngenjuk makannye biarlah aku, luk mane," kate Pak Beluk.
"Jadi ame luk itu, soalnya konten aman itu," jawab Merin.
Sebulan lepas burung merpati sampai. Konten burung merpati ini tadi mulai jarang di upload ke Tik Tok ngah Facebook. Same juge ngah Pak Beluk burung merpati mulai jarang dienjuk makan pur ngah vitamin.
"Luk mane tini ce, lame katah perasean burung ini diingun belumkah nelor-nelor. Modal lah habis ndak beli pakan," kate Pak Beluk.
"Itulah jiku, ku kinak jeme di video-video seminggu dua minggu lah ngahasilkah telor," timbal Merin.
"Jadi luk mane usahe kite ini ce, modal batan makan burung ini habis dide bedie agi. Mase kitekah minjam bank batan beli makan dengan vitamin burung, acak batan kite," kate Pak Beluk.
"Bingung juge aku ce, luk mane kalu kite jualkan separu,” kate Pak Beluk.
“Manuk akal ide kabah, kite upload ke Tik Tok ngah Facebook,” kate Merin.
Lah di upload ke Tik Tok ngah Facebook belum ade jeme nawar.
“Luk ape lah ade nawar belum,” kate Pak Beluk.
“Nah gawat gawini, buung jeme di Facebook ngah YouTube galak kite tonton itu,” jawab Pak Beluk.
“Udim kite luputkah saje, make pacak dalam makan burungni,” Pak Beluk sambil pegi.